மலர்களே...மலர்களே

ஒருநாள் வாழ்வு தான் உனக்கு
என்று என்னையே நான் சமாதானம்
செய்து கொண்ட நாட்களும் உண்டு.

சவ ஊர்வலத்தில் சாலையில் விழுந்து
கால்களில் அடிபட்டு நீ இறக்கும் கணங்களை
பார்த்து சிரித்த கணங்களும் உண்டு.

என்னவளின் தலை மீது அமர்ந்து
சிரிக்கும் பொழுது திமிர் பிடித்து அலைகின்றாய்
என்று நினைத்த நாட்களும் உண்டு.

கடவுளின் கழுத்தில் கம்பீரமாக
இருக்கும்பொழுது நீ ஆணவம் பிடித்தவள்
என்று எண்ணிய கணங்களும் உண்டு.

சாலையில் சக்கரத்தில் அடிபட்டு அருவருப்பாய்
இறந்த நண்பனின் மேனியை அழகாய்
மாற்றி புத்தி புகட்டினாய்
யாருக்கேனும் நலம் பட இரு.